БИШКЕК, 17-янв. — Sputnik. "Манас" эл аралык аэропортунун маалымат кызматы Бишкек — Ош авиакаттамы жанданганын кабарлады.
Эске салсак, кечээ Ош шаарындагы аба ырайынан улам аталган рейстин убактысы жылдырылган. Мындан тышкары, Ош — Стамбул каттамы да токтотулган.
"Манас" аэропорту жүргүнчүлөрдөн учактардын убакыт-саатын карап, керек болсо маалыматты авиакомпаниядан тактап алууну суранды.