БИШКЕК, 16-янв. — Sputnik. Бишкекте Ленинградды коргоодо курман болгондор эскерилди.
Иш-чара Ыйык Воскресенск кафедралык соборунда блокадага алынган Невадагы шаардын бошотулушунун 81 жылдыгына карата өттү. Ага Россотрудничествонун Кыргызстандагы өкүлчүлүгүнүн жетекчиси Альберт Зульхарнеев менен Ленинград блокадачылары кыргыз коомунун төрагасы Марат Кутанов дагы катышты.
Ленинград үчүн айыгышкан салгылашта 4,5 миңден ашык кыргызстандык каза болгон. Согуш мезгилинде блокадага алынган шаардан Кыргыз ССРине 16 миңден ашык (3,5 миңи балдар) адам эвакуацияланган.