БИШКЕК, 29-ноя. — Sputnik. Мамлекет башчы Садыр Жапаров "Баткен, Жалал-Абад жана Ысык-Көл облустарынын айрым айыл аймактарын жана айылдарын кайра атоо жөнүндө" мыйзамга кол койду.
Бул тууралуу президенттин маалымат кызматы кабарлады. Аталыштары өзгөрө турган айылдар жана айыл аймактары:
Баткен облусунун Көтөрмө айыл аймагы — Молдо Нияз;
Жалал-Абад облусунун Назаралиев айыл аймагы — Үч-Коргон;
Ысык-Көл облусунун Семенев айыл аймагы — Кожояр;
Жалал-Абад облусунун Деш айылы — Тынчтык;
Жалал-Абад облусунун Дукур айылы — Достук;
Жалал-Абад облусунун Чек айылы — Ынтымак;
Ысык-Көл облусунун Комсомольское айылы — Кытай;
Ысык-Көл облусунун Семенов айылы — Кожояр-Ата.
Мыйзам расмий жарыялангандан тарта 10 күн өткөндөн кийин күчүнө кирет. Буга чейин аталган мыйзам долбоорун Жогорку Кеңеш үч окууда жактырган.