БИШКЕК, 9-янв. — Sputnik. Түркиянын тышкы иштер министри Хакан Фидандын Кыргызстанга жасаган расмий сапары бүгүн соңуна чыгат. КР Тышкы иштер министрлиги анын жыйынтыктары менен бөлүштү.
Талкууланган маселелер:
мамлекеттердин ортосундагы эки тараптуу стратегиялык жана боордош мамилелердин учурдагы абалы жана келечеги;
эки өлкөнүн ортосундагы соода жүгүртүүнүн деңгээлин жогорулатуу;
Кыргыз-түрк инвестициялык фондун түзүү;
өлкөлөр ортосундагы аскердик-техникалык жана аскердик-коргоо чөйрөлөрүндө өнүгүп жаткан кызматташтыкты мындан ары кеңейтүү;
Кыргыз-түрк “Манас” университетинин ишмердүүлүгү, “Маариф” билим берүү фондунун мектептеринин тармагын кеңейтүү;
КР жарандарынын Түркиянын медициналык мекемелеринде акысыз дарылана турган макулдашууну кайра жандандыруу;
эки мамлекеттин жарандарынын жашоосун, иштөөсүн, окуусун жана өз ара саякаттоосун жеңилдетүү.
Фидандын расмий сапарынын жыйынтыгында эки өлкөнүн тышкы иштер министрликтеринин ортосунда 2024-2026-жылдарга карата кызматташтык программасына кол коюлду. Ошондой эле биргелешкен стратегиялык пландоо тобунун 6-жыйынынын жыйынтыгы боюнча биргелешкен билдирүү кабыл алынды.
Иш сапардын алкагында Хакан Фидандын президент Садыр Жапаров жана Жогорку Кеңештин төрагасы Нурланбек Шакиев менен жолугушуусу күтүлүүдө.