БИШКЕК, 9-янв. — Sputnik. Президент Садыр Жапаров “Ишкердик субъектилерге текшерүүлөрдү жүргүзүүгө убактылуу тыюу салуу (мораторий) жөнүндөгү” жарлыкка кол койду. Бул тууралуу өлкө башчынын маалымат кызматы билдирди.
Документтин максаты — ишкерлердин экономикалык абалын турукташтыруу, бизнес-чөйрөнү өнүктүрүү, инвестициялык климатты жакшыртуу, мамлекеттик органдардын ишкерлердин ишине негизсиз кийлигишүүсүн жоюу.
Мораторий 2024-жылдын 31-декабрына чейин созулат.