БИШКЕК, 7-янв. — Sputnik. Бишкекте издөөдө жүргөн жаран жүздү тааныган видеокамералардын жардамы менен кармалды. Бул тууралуу ИИМдин маалымат кызматы кабарлады.
Маалыматка ылайык, шектүүгө Алтай аймагы боюнча Россиянын укук коргоо органдары тарабынан уурулук, зордуктоо, жасалма документтерди жасоо айыбы коюлуп, эл аралык издөөдө жүргөн.
ИИМ издөөгө алынган А.Р. 6-январь күнү ички иштер органдары колдонуп жаткан заманбап технологиялардын жардамы менен кармалганын белгиледи.