"Талас — Кыргызстандагы чакан шаарлардын бири. Муниципалитеттин бюджети да, иши да салыштырмалуу өтө чоң эмес. Бирок жаңы өнүгүү программасы аркылуу шаарды ар тараптан жакшырталы деп турабыз. Учурда "Талас" аэропорту толук оңдоп-түзөөдөн өтүп, ички каттамдарды аткарууга даяр болуп калды. Бул байланышты жакшыртып, инвестиция тартууда да жеңилдиктерди берет. Аэропорт ачылса Бишкекке абдан кыска убакытта жетүүгө болот. Мындан тышкары, туризмдин потенциалын ачуу багытында иштер жүрөт. Кыргызстандын туризми Манас жердеген Таластан башталышы керек. Биздин ар бир жаранга жана өлкөбүзгө келген чет өлкөлүк туристке Манастын күмбөзүн, Чыңгыз Айтматовдун музейин зыярат кылууга шарт түзүү зарылдыгы бар. Бул идеологиялык жактан да абдан туура кадам болмок", — деди Жумаев.