БИШКЕК, 4-янв. — Sputnik. РФтин Куралдуу күчтөрүнүн катарында кызмат өтөө үчүн келишимге кол койгондорго жана алардын үй-бүлөсүнө Россия жарандыгы берилет. Бул боюнча президент Владимир Путин жарлыкка кол койгонун РИА Новости жазды.
Анда атайын аскердик операциянын мезгилинде Россия Федерациясынын Куралдуу күчтөрүндө же аскердик түзүлүштөрүндө аскердик кызмат өтөө үчүн келишим түзгөн же ушул мезгил ичинде Россия Федерациясынын Куралдуу күчтөрүндө аскердик кызмат өтөп жаткан чет өлкөлүк жарандар Россия Федерациясынын жарандыгын алууга арыз берүүгө укуктуу экени айтылган.
Путиндин жарлыгында мындай укук атайын операция учурунда Россиянын Куралдуу күчтөрүнүн катарында кызмат өтөп, бирок бошонгондорго, анын жубайына жана балдарына, ата-энесине да берилери белгиленген.