БИШКЕК, 4-янв. — Sputnik. Кыргызcтандын жарандары үчүн 2024-2025-окуу жылына мамлекеттик стипендиялык программанын алкагында Беларустун жогорку окуу жайларына документтерди кабыл алуу башталды. Бул туурасында Билим берүү жана илим министрлигинен билдиришти.
Төмөнкү адистиктер боюнча беш орун бөлүнгөн:
маалыматтык технологиялар (жалпы жогорку билим, бакалавр даражасы) - 2;
жалпы медицина (жалпы жогорку билим, бакалавр даражасы) - 2;
информатика жана программалоо технологиялары (жогорку жогорку билим, магистратура) - 1.
Документтерди кабыл алуу жана талапкерлерди конкурстук тандоону Беларустун Кыргызстандагы элчилиги жүргүзөт.
Кандай документтер талап кылынары жана шарттары тууралуу кенен маалымат министрликтин сайтына жайгаштырылган.