БИШКЕК, 3-янв. — Sputnik. 4-январь, бейшембиде, республика боюнча күн ачык болот. Түштүк-чыгыштан соккон шамалдын ылдамдыгы секундасына 3-8 метрге жетет. Мындай маалыматты Кыргызгидромет таратты.
Абанын температурасы Чүйдө +9...+14, Талас аймагында +6...+11, Ош, Жалал-Абад жана Баткен облустарында +8...+13, Ысык-Көл өрөөнүндө +2...+7 градус жылуу болору болжолдонду. Ал эми Нарында -4...-9 градус суук болот.
Борбор калаа Бишкекте күндүн табы +12...+14, Ош шаарында +11...+13 градуска чейин көтөрүлөт.
4-январга караган түнү жаан-чачын күтүлбөйт. Түнкүсүн жана таң эрте айрым жерлерге туман түшөт.