БИШКЕК, 31-дек. — Sputnik. Египет менен Евразия экономикалык бирикмесинин ортосунда эркин соода жүгүртүү аймагын түзүү боюнча сүйлөшүүлөр соңуна чыгуу этабында турат. Бул тууралуу РФтин Египеттеги соода өкүлү Алексей Теванян РИА Новостиге билдирди.
"Келишим биздин товарлардын Египеттин рыногуна барышын жеңилдетет. Товар айлантуунун эркин аймагын түзүү боюнча сүйлөшүүлөр соңуна чыгуу этабында турат", - деди ал.
Евразия экономикалык биримдиги — эл аралык интеграциялык экономикалык бирикме. Уюм 2015-жылдын 1-январынан тарта иштеп келет. Ага Россия, Армения, Беларусь, Казакстан жана Кыргызстан мүчө. 2020-жылы ЕАЭБ мамлекет башчыларынын жолугушуусунда Куба менен Өзбекстанга байкоочу статусун берүү чечими кабыл алынган.