БИШКЕК, 28-дек. — Sputnik. 29-декабрга караган түнү жаан-чачын күтүлбөйт. Күндүз көпчүлүк аймактарда жаан, кар, тоолуу райондордо кар жаап, айрым жерлерде жаан-чачын катуу жаашы күтүлөт. Түштүк-чыгыштан соккон шамалдын ылдамдыгы секундасына 3-8 метрге жетет. Мындай маалыматты Кыргызгидромет таратты.
Абанын температурасы Чүйдө +6...+11, Талас аймагында +4...+9, Ош, Жалал-Абад жана Баткен өрөөндөрүндө +7...+12, Ысык-Көл облусунда +1...+6 градус жылуу болсо, Нарын жергесинде 0...-5 градуска чейин суук болот.
Бишкек жана Ош шаарларында мезгил-мезгили менен жамгыр жаап, күндүн табы борбор калаада +9...+11, Ош шаарында +10...+12 градус жылуу болору айтылды.