БИШКЕК, 26-дек. — Sputnik. Кыргызстан алгачкы жолу бир учурда мамлекеттик казыналык облигацияларын эки улуттук валютада Кыргызстан менен Россиянын рынокторуна жайгаштырды. Бул туурасында Финансы министрлиги билдирди.
22-декабрда сом жана рубль менен номинацияланган мамлекеттик облигацияларын Кыргыз фондулук биржасы жана Москванын биржасынын листинги менен эки траншта жайгаштырылганы белгиленди.
“Өткөрүлгөн аукциондун жыйынтыгы боюнча көлөмү эки жылдык мөөнөткө чыгарылыштар жайгаштырылды. 518,7 миллион сом купон ставкасы менен 15,5 пайыз, 341,9 пайыз купондук чен менен 14,5 миллион рубль”, — деп айтылат маалыматта.
Россиялык инвесторлор салган инвестициялардын суммасы:
МКО рубль менен — 311 миллион 880 миң;
МКО сом менен — 182 миллион 120 миң.
Кыргыз инвесторлору тарабынан салынган салымдардын суммасы:
МКО сом менен — 336 миллион 575 миң;
МКО рубль менен — 30 миллион 000 миң.
“Мында Россия тараптан 1000ден ашык жеке инвесторлор, ошондой эле институционалдык инвесторлор (көбүнчө банктар) катышты. Кыргыз тараптан банктар, камсыздандыруу жана инвестициялык компаниялар, мамлекеттик эмес пенсиялык фонддор жана башкалар катышканын өзгөчө белгилеп кетүү керек”, — деп билдирди министрлик.
Ошондой эле бул облигацияларды жайгаштыруу Кыргызстандын жана Россиянын улуттук рынокторунда кийинки системалуу үзгүлтүксүз займ алуулар үчүн пайдубал түзгөнү маалымдалды. Аны менен катар ЕАЭБ өлкөлөрүнүн каржы секторунда кызматташуусун мындан ары дагы бекемдээри белгиленди.