БИШКЕК, 26-дек — Sputnik. Евразиялык экономикалык комиссия ЕАЭБ өлкө башчылары биримдик алкагында экономикалык процесстерди мындан ары өнүктүрүү боюнча кол койгон декларацияда эмнелер камтылганын тизмектеди.
Белгилей кетсек, декларацияга президенттер Санкт-Петербургда өткөн Жогорку Евразия экономикалык кеңешинин отурумунда кол коюшкан.
Маалым болгондой, бул — 2030 жана 2045-жылдарга чейинки мезгилди камтыган программалык документ.
Документте алты багыт камтылган. Алар:
жалпы рынокту негизги товарлар жана ресурстар менен камсыз кылуу;
технологиялык өнүгүү чөйрөсүндө кызматташуу жана кооперациялык кызматташтыктын жалпы мейкиндигин калыптандыруу;
транспорттук-логистикалык мейкиндикти калыптандыруу;
жалпы финансы рыногун калыптандыруу;
интеграциялык потенциалы бар аймактарда экономикалык кызматташтыкты өнүктүрүү;
ЕАЭБдин эл аралык аренада экономикалык чордон катары иштеши;
Евразия экономикалык комиссиясына биримдикке мүчө мамлекеттер менен бирге декларацияны ишке ашыруу боюнча жол картасынын долбоорун иштеп чыгып, көргөзүү тапшырмасы берилди.