БИШКЕК, 25-дек. – Sputnik. Эгер Европа биримдиги өзүнүн бардык мүмкүнчүлүктөрүн мобилизациялабаса Россия Украинадагы жаңжалда жеңүүчү болуп чыгат. Бул тууралуу Европа дипломатиясынын жетекчиси Жозеп Боррель британиялык Guardian гезитиндеги маегинде билдирген.
“Эгер биз багытыбызды тез арада өзгөртүп, мүмкүнчүлүктөрүбүздү мобилизациялабасак Путин Украинадагы согушта жеңишке жетет”, – деди ал.
Боррель Россияны Европа демократиясына коркунуч жарткан ири держава деп атады.
“Россия согушта жеңүүчү болбошу үчүн биз эмне жасай алабыз? Мына ушул суроо маанилүү! Колдон келген ишти аткарууга чындап даярбызбы? Өзүбүзгө ушул суроолорду беришибиз керек”, – деди ал.
Боррель Батыш Киевди мындан ары дагы колдошу керек деп байма-бай атып келет. Ал июнь айында чет элдик колдоосуз Украинадагы конфликт тез эле соңуна чыгып калышы толук мүмкүн экенин эскерткен. Ал эми бир аз күн мурда Европа биримдигиндеги айрым мамлекеттер Россияны “стратегиялык коркунуч” катары карабай турганын айтып арызданган.