2023-жылдын жыйынтыгы менен Мамлекеттик ипотекалык компаниянын уставдык капиталы былтыркыга салыштырмалуу 5,2 миллиард сомдон ашык каражатка көбөйүп, 15,5 миллиард сомду түздү. Бул тууралуу Амантур Омуров Sputnik Кыргызстан радиосунун эфиринде маек куруп жатып билдирди.
Анын айтымында, өлкө аймагында жана Бишкек шаарындагы турак жай курууга Сауд өнүктүрүү фонду тарабынан 100 миллион доллар, Ислам өнүктүрүү фондунан 79 миллион доллар каражат бөлүнөт.
"Бүгүнкү күндө Бишкек шаары боюнча 7000ден ашык батирди камтыган ипотекалык көп кабаттуу үйлөрдүн курулушу кызуу жүрүүдө. Ал эми Жалал-Абад шаарында 639 батирдин курулушу башталды. Курулуш аяктаган соң аталган батирлер турак жай программасынын катышуучуларына "кийин сатып алуу мүмкүнчүлүгү менен ижарага алуу" механизми боюнча берилет. 2023-жылдын жыйынтыгы менен Мамлекеттик ипотекалык компаниянын уставдык капиталы былтыркыга салыштырмалуу 5,2 миллиард сомдон ашык каражатка көбөйүп, 15,5 миллиард сомду түздү. Мындан тышкары, кийинки жылга ипотекалык үйлөрдү курууга республикалык бюджеттен 2 миллиард сом каралса, Сауд өнүктүрүү фонду тарабынан 100 миллион доллар, Ислам өнүктүрүү фондунан 79 миллион доллар каражат бөлүнөт", — деди Омуров.
Ошондой эле адис "Менин үйүм 2021-2026" программасынынын алкагында дагы кошумча каржы булактарын издөө, эл аралык донорлор менен сүйлөшүүлөр улантыларын кошумчалады.