БИШКЕК, 23-дек. — Sputnik. "Чек талап кылып байге утуп ал!" лотереясы ойнотулган күндөрү ID-номерлерди берүү убактылуу токтотулат. Бул тууралуу Мамлекеттик салык кызматынан билдиришти.
Маалыматка ылайык, лотерея үчүн ID-номерлер 25-декабрдан 29-декабрга чейин берилбейт. Бирок катышуучулар мурдагыдай эле тиркемеде чектерди сканерден өткөрө берсе болот, алар 30-декабрга караган түнү ыйгарылат.
25-29-декабрда ойнотулган лотереяда:
521 даана iPhone 14;
519 даана смартфон;,
158 ноутбук;
21 Dyson фени бар экени айтылды.
Оюндун жүрүшү күн сайын саат 13:00дөн баштап Салык кызматынын социалдык тармактардагы баракчаларында түз эфирде көрсөтүлөт.
30-декабрда төмөнкү баш байгелер ойнотулат:
10 батир;
11 электромобиль;
Чет өлкөгө саякаттоого төрт жолдомо.
Бул байгелердин утуш оюндары УТРК жана “Ала-Тоо 24” каналдарында саат 15:00дөн баштап түз эфирде көрсөтүлөт. Эфирди, мындан тышкары, Салык кызматынын интернеттеги баракчаларынан көрүүгө болот. Бүгүнкү күндө аталган акцияга катышып жаткандардын саны 400 миңден ашат.