БИШКЕК, 22-дек. — Sputnik. Бүгүн, 22-декабрда, Токтогул Сатылганов атындагы Кыргыз улуттук филармониясында жаңы жылдык президенттик балаты өтөт. Бул тууралуу Билим берүү жана илим министрлиги билдирди.
"Президенттин катышуусундагы балатыга республиканын бардык аймагынан келген 650гө жакын бала катышат", — деп айтылат маалыматта.
Өткөн жылы майрамга 1 100 бала катышкан. Алар: мыкты окуган, олимпиадада, эл аралык сынактар менен турнирлерде жеңген окуучулар, балдар үйүнүн тарбиялануучулары, кызматтык милдетин аткарып жатып курман болгон тартип коргоо жана аскер кызматкерлеринин, аз камсыз болгон бүлөлөрдүн балдары болчу.