БИШКЕК, 20-дек. — Sputnik. Кыргызстанда мугалимдер менен окуучулардын санариптик окууга өтүүгө даярдыгы боюнча изилдөөнүн жыйынтыгы сунушталды. Билим берүү жана илим министрлиги мындай мониторингди "Таалим-Форум" коомдук фонду жүргүзгөнүн билдирди.
Анда онлайн-окутуу куралдарын, санариптик байланышты, компьютердик көндүмдөрдү колдонуу жөндөмдүүлүгү каралган.
"Изилдөөнүн маалыматтарына ылайык, мугалимдер жана окуучулар салттуу окутууга артыкчылык беришти. Бул онлайн-окутуу куралдарын натыйжалуу пайдалануу, билим берүү системасында инновацияларды киргизүү жана масштабдоо үчүн көптөгөн маселелерди чечүү зарылдыгын көрсөтүп турат", — деп айтылат маалыматта.
Билим берүү министринин орун басары Лира Самыкбаева мындай жыйынтык санариптик билим берүү чөйрөсүн өнүктүрүү жаатында мындан аркы кадамдарды иштеп чыгууда эске алынарын айткан.