БИШКЕК, 20-дек. — Sputnik. Кыргызстандык Айсулуу Тыныбекова Бириккен күрөш дүйнөсүнүн (UWW) версиясы боюнча, кыз-келиндер арасында дүйнөнүн мыкты балбаны аталды. Маалыматты аталган уюм жарыялады.
UWW 2023-жылы кыргыз спортчусу дүйнөлүк рейтингдин туу чокусуна чыгып, теңдешкис 95,575 упай чогултканын белгилеген. Ал Азия, дүйнө чемпиондугун багындырып, Венгрия менен Египеттеги рейтингдик турнирлерди утканы жана жылды Азия оюндарынан коло медаль тагынуу менен жыйынтыктаганы жазылган.
Айсулуу Тыныбекова дүйнө чемпионатынан Кыргызстан үчүн алгачкы алтынды утуп тарых жаратса, быйыл үчүнчү ирет алтын тагынып өлкө тарыхын жаңылады.