РФ ТИМинин өкүлү Мария Захарованын айтымында, документ сапаттык параметрлерди, америкалык аскерлерди ташууну жана жайгаштырууну, АКШнын Фин аймагындагы аскердик базалары менен кампаларды пайдалануусун шарттайт. Муну менен катар эле курал-жарактын ар кыл түрлөрүнөн тарта өзөктүк куралдарга чейинкилерди ташып кирүүгө чектөө коюлбайт.
Бул жагдай боюнча аскердик серепчи Александр Хроленко комментарий берди.
"Алардын (Пентагон – ред.) айтымында, бул Европа коопсуздугун бекемдөө, АКШнын коргонуусундагы кармап туруу потенциалын арттыруу экен. Бул, мындайча алып караганда, Россия менен болчу прокси-согушка даярдануу", — деди ал.
Финляндия Пентагонго өзүнүн бардык ири объектилерин — 4 аба базасын, 1 аскердик деңиз базасын, 5 арсеналын, машыгуучу полигондорун берген. Баары 15 объект.
"Бул — оккупация. Хельсинки АКШ өзүнүн базаларын курбайт, өзөктүк бактериялогиялык-химиялык куралды ташып келбейт деп айтканы менен Пентагон фин бийлигине Финляндияга, анын аймагындагы сууларга келген F-35тин трюмдардагыларды, отсектегилерди текшерте койбойт", — деди Хроленко.
Серепчи Россиянын коопсуздугуна кесепети кандай экенине токтолгон. Америкалыктарга Лапландиядагы Рованиеми аба базасын беришет. Ал Россиянын чек арасынан 148 чакырым, Түндүк флоттун суу алдындагы кайыктардын стратегиялык базасынан болгону 400 чакырым аралыкта. Бул түшүнүктүү жагдай.
Хроленко Пентагондун Финляндиядагы ээлигин биротоло кеңейтүүсүнөн улам Россия бир топ кубаттуу Ленинград аскер округун түптөй турганын айтты.
Тема боюнча: