БИШКЕК, 19-дек. — Sputnik. Россиянын армиясынын даярдыгы мыкты жана согушка жөндөмдүү. Бул тууралуу РФ коргоо министри Сергей Шойгу министрликтин кеңейтилген форматтагы жыйынында билдирди.
Министрдин кебинин урунттуу учурлары:
Россиянын жоокерлери аскердик операция башталганга чейин Луганск жана Донецк республикалары ээлеген аймактан беш эсе көп жерди бошотту;
Россия Федерациясынын жаңы региондоруна 2014-жылдан бери жакындарын көрө элек үч миллионго жакын качкын кайтып келди;
Украина тышкы демөөрчүлөрдөн 203 миллиард доллар алды. Бул анын ИДПсынан 30 миллиардга көп. Бул каражаттын көпчүлүк бөлүгү кредитке берилгендиктен өлкө факт жүзүндө банкротко учурады;
4-июнда Украинанын күчтөрү чет элдик кураторлору даярдаган масштабдуу контрчабуулун баштады. Бирок россиялык куралдуу күчтөрдүн тактикалык коргонуу аймагынан өтө албай чоң жоготууларга учурады;
атайын операция башталгандан тарта Украинанын Куралдуу күчтөрү ажыраган аскерлери 383 миңден ашты;
атайын операциянын тажрыйбасы куралдуу күчтөр заманбап каршылаштын кандай гана аракетине болбосун "адекваттуу жана ыкчам" реакция кыларын көрсөттү.