БИШКЕК, 19-дек. — Sputnik. Батыш өзүнүн Украинадагы агрессивдүү максаттарынан баш тарткан жок. Бул тууралуу Россия президенти Владимир Путин Коргоо министрлигинин кеңейтилген жыйынында билдиргенин РИА Новости жазды.
"Батыш Россияны артка тартуудан жана Украинадагы агрессивдүү максаттарынан баш тарткан жок. Бирок биз дагы өзүбүздүн атайын аскердик операциядагы максатыбызга жетебиз", — деди Путин.
Анын айтымында, Батыш Россияга каршы гибриддик согушту улантып, Киевди чалгындын маалыматтары менен камсыздоодо.