Соңку 11 айда Улуттук статистика комитети 23 миңдей статистикалык маалымат чыгарды. Бул тууралуу Бакытбек Шокенов Sputnik Кыргызстан радиосунун эфиринде маек куруп жатып билдирди.
Адистин айтымында, анын ичинен 825и экспресс маалымат болгон.
"2023-жылы биздин комитет тарабынан бир топ иштер аткарылды. 11 айдын жыйынтыгы менен жалпы 23 миңдей статистикалык маалымат чыкты. 78 экономикалык баяндама, 825 экспресс маалымат, 460 статистикалык бюллетень, 98 статистикалык жыйнактар даярдалып чыгарылды. Соода жүгүртүүнүн көлөмү да былтыркы жылга салыштырмалуу 17,9 пайызга өстү. Ошондой эле үстүбүздөгү жылдын январь-октябрь айларынын жыйынтыгы менен бир кызматкердин орточо айлыгы 32 174 сомду түздү", — деди Шокенов.
Ал бир эле статистикалык маалыматты аныкташ үчүн бир канча адис иш алып барарын жана ага көптөгөн убакыт талап кылынарын кошумчалады.