БИШКЕК, 17-дек. — Sputnik. Арстан Алай каймана аты менен белгилүү Арстанбек Абдылдаев 15-январга чейин №1 тергөө абагына киргизилди.
Анын баш коргоо чарасы Октябрь райондук сотунда каралганын Бишкек шаардык сотунун маалымат кызматы кабарлады.
Абдылдаевди УКМК диндер аралык кастыкты козутууга багытталган чакырыктарды жасоого айыптап кармаган. Буга ал түрдүү китептерди чыгарып, өзүн "Жаңы кудай", "Куткаруучу" деп санап, башка дин, ишеним, көз караштарды төмөн, алсыз деп эсептегени негиз болгон.