БИШКЕК, 16-дек. — Sputnik. Ош шаарында орус тилин окутуу боюнча алгачкы борбор ачылды. Борбор Роскызматташтыктын колдоосу менен ачылганын Россиянын Бишкектеги илим жана маданият борбору ("Русский дом") билдирди.
Борбор керектүү жабдыктар менен камсыз болгон. Ал жерде орус тилин бардык каалоочулар, биринчи кезекте окуучулар менен студенттер үйрөнсө болот.
"Бул борбор Россиянын ЖОЖдоруна тапшырууда жакшы көмөкчү болот деп ойлойм", — деген ачылуу аземине катышкан Ош шаарынын мэринин орун басары Нурбек Кадыров.
Маалыматта окутуу борбору залкар жазуучу Чыңгыз Айтматовдун 95 жылдыгына карата ачылганы айтылган. Бүгүнкү күндө орус тилин окутуу борборлору Кант, Нарын жана Талас шаарларында иштеп жатат.