БИШКЕК, 14-дек. — Sputnik. Бишкек мэриясы башаламан соода менен күрөшүүнүн жаңы ыкмаларын сунуштап жатат.
Учурдагы мыйзамда уруксат берилбеген жерде соода кылган жеке тараптарга 3 000 сом айып пул каралса, юридикалык жактарга 13 000 сом чегерилет. Мэриянын мыйзамында бул норма сакталып, айып салууну муниципалдык территорияда, тротуарда, унаа токтотуучу жайда, аянттарда, сейил бактарда, маданий эстеликтер менен социалдык, маданий жана тиричилик маанидеги объектилердин жанында туруп соода кылгандарга да жайылтуу каралган.
Мындай кадам менен мэрия сооданы жөнгө салууну көзөп, шаардын аткаминерлерине эреже бузгандарга айып пул чегерүү укугун берүүнү сунуштоодо.