БИШКЕК, 12-дек. — Sputnik. Россия суу алдында жана сууда жүрүүчү кемелерди куруу боюнча бардык планын ишке ашырат. Бул тууралуу РФ президенти Владимир Путин суу алдында жүрүүчү "Красноярск" өзөктүк кайыгы менен "Император Александр III" өзөктүк крейсеринде туу көтөрүү салтанатында айтканын РИА Новости жазды.
"Биз суу алдында жана сууда жүрүүчү кемелерди куруу боюнча пландарыбыздын баарын сөзсүз аткарабыз. Россиянын Аскер-деңиз флотун күчтөнтүп, Арктика, Ыраакы Чыгыш, Кара жана Балтика деңиздериндеги кубаттуулугубузду арттырабыз. Бул аракет дүйнөлүк океандын бардык стратегиялык райондорунда ишке ашат", — деди Путин.
Өлкө башчынын айтымында, ракета алып жүрүүгө ыңгайлашкан "Красноярск" жана "Император Александр III" кемелери Тынч океанында күзөттө болушат.