БИШКЕК, 12-дек. — Sputnik. Бишкекте Евразия кайра камсыздандыруу компаниясынын алгачкы жыйыны өттү. Бул тууралуу өкмөт билдирди.
Иш-чарага министрлер кабинетинин төрагасынын биринчи орун басары Адылбек Касымалиев катышканы белгиленди. Ал Евразия кайра камсыздандыруу компаниясынын башкаруучулугунун мүчөсү болуп саналат.
Министрлер кабинетинин төрагасынын биринчи орун басары Адылбек Касымалиев
© Фото / пресс-служба кабинета министров КР / Улукбек Шамбетов
"Компаниянын биринчи жыйыны видеоконференция режиминде өттү. Жыйында башкаруучулук кеңешинин, директорлор кеңешинин курамы боюнча маселелер каралып, иш регламенти бекитилди", — деп айтылат маалыматта.
Евразия кайра камсыздандыруу компаниясы 2022-жылдын 20-октябрында Ереванда түптөлгөн. Анын түзүүчүлөрү катары Армения, Беларусь, Казакстан, Кыргызстан жана Россия эсептелет.
Компаниянын уставдык капиталы 15 миллиард рублди түзөт.