БИШКЕК, 9-дек. — Sputnik. Россиянын Мамлекеттик думасынын төрагасы Вячеслав Володин "Россия сегодня" медиа тобунун жалпы жамаатын жана анын башкы директору Дмитрий Киселевду медиа топтун 10 жылдык мааракеси менен куттуктады.
"Россия сегодня" биздин өлкөдө жана андан тышкаркы жерлерде болуп жаткан окуяларды объективдүү чагылдырат. Жаңы форматтарды жана заманбап технологияларды колдонуу менен журналистиканын эң мыкты стандарттарына таянып, ЖМКнын өнүгүшүнө салым кошууда", — деп айтылат куттуктоо телеграммасында.
Володин медиа топтун кызматкерлерине ийгилик каалап, алардын кесипкөйлүгүн, чыгармачылыгын жана ишке болгон жоопкерчилигин жогору баалады.
"Россия сегодня" эл аралык медиа тобу орус тилдүү РИА Новости, Sputnik радиосу, ПРАЙМ, ИноСМИ, Baltnews, Украина.ру, Социальный навигатор, КОТ жана Arctic.ru маалымат агенттиктерин бириктирип турат. Ал чет өлкөдө Sputnik эл аралык маалымат агенттиги жана радиосу деп таанылган.
Медиа топтун негизги продуктулары орус, англис, кытай, испан, араб жана фарси тилдериндеги маалыматтар. "Россия сегодня" — эл аралык аудиторияга, бизнес коомчулукка, мамлекеттик органдарга жана колдонуучулардын кеңири чөйрөсүнө багытталган маалыматтык продуктулардын ири россиялык өндүрүүчүсү.