БИШКЕК, 7-дек. — Sputnik. Үстүбүздөгү жылдын үчүнчү кварталында Кыргызстандын банк секторунда Россиянын рублине суроо-талап жогорулаганы байкалды. Бул тууралуу Улуттук банк билдирди.
Финансылык көзөмөлдөөчү своп-операциялар рыногунун маалыматтарын келтирди.
Своп — бул активдердин заманбап алмашуусу (баалуу кагаздар жана валюта). Операциянын катышуучулары белгилүү бир убакыт аралыгында бул активдерди бири-бирине кайтарып берүүгө милдеттендирилет. Бул нерсе валюталык коркунучтардан сактанууга жардам берет.
"Доллар/рубль своп-операциялары жогорулап, 2,9 миллиард рублди (II кварталда 2,6 миллиард) түздү. Бул нерсе банк секторундагы катышуучулар тарабынан рублге болгон суроо-талаптын жогорулашынан кабар берет", — деп айтылат банктын отчётунда.
Улуттук банк Кыргызстан менен Россиянын экономикалык интеграциясы коммерциялык банктардын своп-операция рыногундагы активдүүлүгүнө таасир этип жатканын белгиледи.