БИШКЕК, 7-дек. — Sputnik. Жогорку Кеңештин депутаты Алишер Козуев пахта арзандап кеткенин айтып, өкмөткө кайрылды.
Анын айтымында, дыйкандар түшүм алгандан кийин пайда көрбөй эле чыгымга учурап жатат.
"Кара-Суу районундагы фермерлер менен жолуксам арызданышууда. Негизинен беш-алты пахта заводу бар, анын ээлери бааны көтөрбөй жатат. Дыйкандардын мээнети акталбай калууда. Бир гектар жерге эккен пахтасын азыркыдай 60 сомдун айланасында сата турган болсо 30-40 миң сомго чейин зыян тартат экен. Пайда көрбөй эле артка кетип жатат", — деди Козуев.
Ал министрлер кабинетинен бааны көтөрүү үчүн чара көрүүнү талап кылды.