БИШКЕК, 6-дек. — Sputnik. Ысык-Көл облусунда Россия-кыргыз өнүктүрүү фондунун колдоосу менен кубаттуулугу 4,5 мегаватт болгон чакан ГЭС курулду. Бул тууралуу аталган фонддун башчысы Артём Новиков билдирип, видеосун жарыялаган.
Анын айтымында, ГЭС Тоң районунун электр энергиясына болгон керектөөсүнүн 15 пайызын камсыздайт. "Ала-Баш гидроэлектростанциясы" долбоорун ишке ашырууга РКӨФ 2,5 миллион доллар (жалпы баасы 5 миллион доллардан ашык) бөлгөн.
Объектиге дүйнөдөгү алдыңкы өндүрүүчү Global Hydro (Австрия) фирмасынын гидротурбинасы орнотулган. Новиков заманбап чакан ГЭС кандай иштээрин көрсөтүп берген.