БИШКЕК, 6-дек. — Sputnik. Өлкө башчы Садыр Жапаров кол алдындагыларга туулган күнүндө белек берүүгө тыюу салган. Бул тууралуу министрлер кабинетинин төрага орун басары Эдил Байсалов Sputnik Кыргызстан агенттигинде өтүп жаткан маалымат жыйында билдирди.
Эскерте кетсек, бүгүн КР президенти 55 жашка чыгып жатат.
"Президент баарыбызга белек берүүгө, мактап-жактоого тыюу салды. Абдан жөнөкөй адам. Үч жыл аралыгында Жапаров элибиз аны президент кылып шайлап жаңылбаганын далилдеди. Садыр Жапаров кимдир бирөөгө жагышы мүмкүн, айрымдарга жакпашы ыктымал, бирок баарыбыз ага ийгилик каалашыбыз керек. Анткени анын ийгилиги — бул жалпы элдин жана мамлекеттин ийгилиги", — деди Байсалов.
