"Ала-Арча жаратылыш паркы жылдан-жылга жакшы шартты камсыз кылууга аракетин көрөт. Акыркы жылдары паркка эс алуучулардын агымы абдан өстү. Муну менен экологиялык маселелер курч бойдон калууда. Кооз жерибизге, жаратылышыбызга зыян келтирбей, бардык ыңгайлуу шарты менен эс алууга өтүшүбүз керек. Бүгүнкү күндө парктын инфраструктуралык мүмкүнчүлүктөрүн жогорулатуу үчүн ири инвестициялык долбоорлор керек. Мисалы, паркта электробустарды жүргүзүү максатыбыз бар. Анда парктын ичине автоуналардын киришине тыюу салынып, экологияны сактоого байланышкан чаралар камтылат. Мындан тышкары, жаратылыштын кооздугун көрсөтүү максатында асма аркан жолдору курулса, жакшы киреше алып келет. Бирок мунун баары каражатка барып такалат. Буларды алдыңкы 5-10 жылда аткарса болот", — деди Тыныев.