"Ири үчтүк" идеясын Черчилль менен Рузвельт сунуштаса, кайсы жерде өткөрүүнү Сталин аныктаган.
Канчалык көздөн далдаа, башкаларга байкатпай жасайбыз дегени менен бул жолугушуу боюнча немецтик чалгын маалымат алган. Алар америкалык аскер-деңиз кодун чечмелеп, конференцияны качан өтөрүн билип алышкан.
Гитлер Отто Скорценинин согушкер тобуна жогорку кызматтагы каршылаштарын — Черчилль, Рузвельт жана Сталинди дароо жок кылуу буйругун берген. Бирок советтик чалгынчылар немецтик радисттерди жаңылтып, гитлердик "Узун секирик" деп аталган операциясын бүлгүнгө учураткан.
Тегеранда союздаштар фашисттик Германияны талкалоонун жалпы стратегиясын кабыл алып, экинчи фронттун ачыла турган мөөнөтүн чечишкен.
Ушул эле жерде келечектеги Польшанын чек арасы жана Кенигсбергге тиешелүү жерлер талкууланган.
"Бул жакка үмүт артып жана чечкиндүүлүк менен келдик. Бул жактан максатыбыз, ниетибиз бир чыккан достордон болуп кетебиз", — деген сөздөр менен үч лидердин декларациясы соңуна чыккан.
Тема боюнча: