БИШКЕК, 26-ноя. — Sputnik. Президент Садыр Жапаров Бишкекте мамлекеттик ипотекага бериле турган үйлөрдүн курулушун текшерип барды. Бул туурасында маалымат катчысы Аскат Алагөзов билдирди.
Өлкө башчыга көп кабаттуу үйлөрдүн 11и толук бүтүп, келерки жылдын сентябрында колдонууга тапшырыла турганын айтышкан. Анын ар бири 18 кабаттуу болуп, 986 батир жайгашат.
Жалпысынан бул аймакта 39 көп кабаттуу турак жай курулуп, жарандарга жеңилдетилген шартта берилери пландалууда.
Жапаров курулуп жаткан үйдөрдүн сапатына өзгөчө көңүл буруу керектигин баса белгилеген.