БИШКЕК, 26-ноя. — Sputnik. 200 миң доллар пара алып жатканда кармалды делген президенттин Баткен облусундагы өкүлүнүн кеңешчиси М.Т. эки айга тергөө абагына киргизилди. Бул туурасында облустук соттун маалымат кызмат билдирди.
Анын баш коргоо чарасы Баткен райондук сотунда каралып, 2024-жылдын 21-январына чейин камакка алуу чечими чыккан.
Белгилей кетсек, УКМК аткаминердин кеңешчисин көмүр казуучу ишкананын башкы директорунан 200 миң доллар алып жаткан учурда колго түшүргөн. Маалыматта ал эки шериги менен директорду "Камчыбек Ташиевге арыз жазып, иштетпейбиз" деп коркутканы айтылган.