БИШКЕК, 24-ноя. — Sputnik. Электромобилдерди ЕАЭБ ичинде бажы алымысыз ташуу 2025-жылдын 31-декабрына чейин узартылды. Бул тууралуу Евразиялык экономикалык комиссиянын (ЕЭК) маалымат кызматы кабарлады.
Мындай чечимди ЕЭКтин кеңеши кабыл алган (курамы ЕАЭБ мамлекеттеринин премьер-министрлеринен турат).
"Бажы төлөмүнөн Армения, Беларусь, Казакстан жана Кыргызстанда туруктуу жашагандар гана бошотулат. Электромобилге ээлик кылуу, аны пайдалануу укугун Россияда туруктуу жашаган же жарандыгын алган жактарга өткөрүп берүүгө тыюу салынат", — деди маалымат кызматтан.
Жеңилдиктин мөөнөтү ушул жылдын соңунда аяктамак. Эгер аны узартуу чечими кабыл алынбаса, ставкасы электромобилдин бажылык наркынын 15 пайызын түзмөк.