БИШКЕК, 21-ноя. — Sputnik. Жалал-Абад облустук Барпы атындагы кыргыз драма театры Бишкекке чыгармачылык гастроль менен келерин Маданият, маалымат, спорт жана жаштар саясаты министрлиги кабарлады.
Театрдын артисттери акын жана драматург Алтынай Темированын калемине таандык, режиссёр Назгүл Мырзаканованын "Генийдин үрү" драмалуу спектаклин борбор калаанын жашоочулары менен конокторуна тартуулашмакчы.
Спектакль 22-ноябрда саат 18:00дө Токтоболот Абдумомунов атындагы Кыргыз улуттук драма театрында башталары кошумчаланды.
Белгилей кетсек, сентябрда театрлар өлкө аймактарына гастролдорун баштаган.