БИШКЕК, 21-ноя. — Sputnik. Бишкек — Ош жолунун боюна эки RestPoint ачылды. Бул туурасында Туризмди колдоо фонду билдирди.
Бишкек — Ош жолунун боюна эки RestPoint ачылды.
© Фото / Фонд поддержки развития туризма
Алар Жалал-Абад шаарына жана Кара-Көлдүн кире беришине коюлган. Ары-бери өткөндөр токтоп эс алып, өзөк жалгап, чай, кофе ичип, ажатканага кирип, чайканып чыкса болот. Ар бир жайда Кыргызстандын кызыктуу жана ажайып жайлары тууралуу интерактивдүү дисплей бар.
RestPoint тыныгуусуз иштейт, кышында жылынуучу жай катары да колдонулары айтылды. Ушул сыяктуу дагы үч зона Өзгөн калаасында, Барпы жана Саруу айылдарында ачылуу алдында турат.
Алгачкы RestPoint быйыл жазда Кеминде пайдаланууга берилген. Кыргызстан боюнча 68 пункт куруу пландалууда.