БИШКЕК, 20-ноя. — Sputnik. Токиодо президент Садыр Жапаров менен Япониянын премьер-министри Фумио Кисиданын расмий жолугушуу аземи башталганын мамлекет башчынын маалымат кызматынан кабарлашты.
Япониянын өкмөт башчысы Кисида Жапаровду резиденциясында тосуп алган.
Кол алышып саламдашып, Кыргызстан менен Япониянын мамлекеттик гимндери жаңырган. Кисида жана Жапаров тизилген Ардак кароолдун катарынан өтүп, лидерлерге эки өлкөнүн расмий делегациялары тааныштырылган.
Белгилей кетсек, учурда мамлекет башчы расмий сапары менен Японияда жүрөт.