БИШКЕК, 18-ноя. — Sputnik. Бишкекте косметологиялык жайлардын ичинен 26сы тиешелүү лицензиясы жок иштеп жатканы белгилүү болду. Бул тууралуу Саламаттыкты сактоо министрлигинин маалымат кызматы билдирди.
Атайын комиссия 16-17-ноябрда косметологиялык процедураларды жүргүзгөн салон жана кабинеттерди текшерген.
Жыйынтыгында 26 мекеме тиешелүү документтерисиз эле медициналык операцияларды жасап жатканы белгилүү болуп, аларга 84 миң сом айып салынган.
Министрлик калктын саламаттыгына кам көрүү максатында лицензиясы бар жеке менчик медициналык уюмдарга кайрылууну сунуштайт. Жарандар расмий иштеген мекемелерди бул портал аркылуу билсе болот: med.kg