Россиянын өкмөтү жергиликтүү диаспоралар менен тыгыз иштешип, маселелер жаралса, колдоо керек болгон учурда көмөктөшүп, гранттык долбоорлорду ишке ашырууга кол сунуп турат. Бул тууралуу Канзада Сманова Sputnik Кыргызстан радиосунун эфиринде маек куруп жатып билдирди.
Анын айтымында, Тюмень шаарында мекендештер соода борборлорун, таксопарктарды, медициналык борборлорду ачып, иш орундар менен камсыз кылып жатат.
"Жалпысынан Россиядагы мекендештердин жашоо шарты кыйла жакшырып калды. Албетте, 10-15 жыл мурунку учурга салыштырмалуу бир топ өзгөрүү бар. Бүгүнкү күндө бир катар жеңилдиктер түзүлүп, кыргызстандыктар арасында ишкерлик кылгандар арбыды. Алсак, Тюмень шаарында мекендештер соода борборлорун, таксопарктарды, медициналык борборлорду ачып, иш орундар менен камсыз кылып жатат. Россиянын өкмөтү да жергиликтүү диаспоралар менен тыгыз иштешип, маселелер жаралса, колдоо керек болгон учурда көмөктөшүп, гранттык долбоорлорду ишке ашырууга кол сунуп турат", — деди Сманова.
Ошондой эле адис акыркы учурда Россияга эмгек миграциясы эмес, билим алууга, квалификациясын жогорулатууга келген жаштардын саны өсүп жатканын кошумчалады.