БИШКЕК, 15-ноя. — Sputnik. Жакында дайындалган министрлер бүгүн Жогорку Кеңешке келип, ант беришти.
Аземге президент Садыр Жапаров жана министрлер кабинетинин курамы толук катышты.
Ант берген министрлер:
Жаратылыш ресурстары, экология жана техникалык көзөмөл министри Мелис Тургунбаев (15-мартта кызматка дайындалган);
Саламаттыкты сактоо министри Алымкадыр Бейшеналиев (13-сентябрда дайындалган);
Билим берүү жана илим министри Догдуркүл Кендирбаева (7-октябрда дайындалган);
Эмгек, социалдык камсыздоо жана миграция министри Гүлнара Баатырова (13-сентябрда дайындалган);
Санариптик өнүктүрүү министрлиги Нурия Кутнаева (13-сентябрда дайындалган).