БИШКЕК, 11-ноя. — Sputnik. Кыргызстандык самбочу Белек Бараканов дүйнө чемпионатында күмүш медаль тагынганын Дене тарбия жана спорт департаменти билдирди.
Кыргызстандык самбочу Белек Бараканов дүйнө чемпионатында
© Фото / Департамент физической культуры и спорта КР
Мелдеш ушул тапта Армениянын борбору Ереванда өтүп жатат. Спортчу килем бетинде 64 килограмм салмакта беттешти.
Алгач 1/16 финалдык кармашта тажикстандык спортчуну утса, 1/8 финалда америкалык балбанды жеңген. Чейрек финалда италиялык, ал эми жарым финалда монголиялык балбанды утуп, финалга жолдомо алган.
Чечүүчү финалдык беттеште россиялык балбанга жеңилип, күмүш медаль тагынган.