БИШКЕК, 10-ноя. — Sputnik. Россия өкмөтү РФте кыскартыла турган өзөктүк куралды жок кылуу жаатында Япония менен кызматташууну токтотууга кадам таштады. Бул туурасындагы тиешелүү токтом укуктук документтердин расмий порталына жарыяланган.
Макулдашууга 1993-жылы кол коюлган.
Ушул эле документте РФтин Тышкы иштер министрлигине кабыл алынган чечим боюнча япон тарапка кабарлоо тапшырылган.
Россия Украинада атайын операция баштагандан кийин Токионун Москвага көзү түз болбой калганы Смоленск аянтында бир нече ирет айтылгандыгын РИА Новости жазды.
Дипломаттар Россияга каршы санкция киргизилгендигин, Киевге курал берүү, япон коомунда русофобиялык маанайдын отун жандыруу артып, Россиянын Ыраакы Чыгыштагы чектеринде Япониянын, АКШнын жана НАТОнун аскердик активдүүлүгү өскөндүгүн белгилешкен.
ТИМден мындай кырдаалда россиялык тарап Япония менен узак убакыт бою ынтымакта болуунун негизин түптөгөн тынчтык келишимин түзүү диалогун көрбөй турганын айтышкан. Москва Токионун конфронтациялык жаңы чабуулдарына катуу реакция кыларын эскерткен.