БИШКЕК, 9-ноя. — Sputnik. Борбор калаадагы эл ташыган жаңы автобустарга ылдамдыкты чектеген жаңы программа орнотулат, эми алар ылдамдыкты саатына 60 чакырымдан ашыра алышпайт. Бул туурасында вице-мэр Максатбек Сазыкулов билдирди.
"Жаңы автобустарга ылдамдыкты чектеген жаңы программаны киргизип жатабыз. Ал аркылуу кайсы автобус ылдамдыкты, эрежелерди бузганын көрө алабыз. Эми газды канчалык баспасын, саатына 60 чакырымдан аша албайт", — деди вице-мэр.
Буга чейин мэрия декабрь айына чейин Бишкекке 900 автобус алып келише тургандыгын жар салган. Октябрдын аягында алардын саны 250гө чукулдаган.