БИШКЕК, 9-ноя. — Sputnik. Баткен облусунда Чек ара кызматынын прапорщиги С. Ы. уулу көз жумганын аталган ведомствонун маалымат кызматынан кабарлашты.
27 жаштагы чек арачы спорттук атайын иш-чаралар өтүп жатканда коопсуздук эрежелеринин бузулушунун кесепетинен өмүрүнөн айрылды.
Алдын ала берилген маалыматтарга таянсак, кырсыктан С. Ы. уулу башынан оор жаракат алып, ооруканага жеткирилген. Медиктердин кайра жандандыруу үчүн жасаган аракетине карабастан каза болуп калган.
"Учурда соттук-медициналык экспертиза жүргүзүлүп жатат. Тиешелүү бардык органдарга маалымат берилип, иликтөө башталды", — деп айтышты Чек ара кызматынан.