БИШКЕК, 8-ноя. — Sputnik. Россия Борбор Азия өлкөлөрүнүн жана Европанын ар кыл багыттар боюнча өнүгүү укугун сыйлайт. Бул тууралуу РФ ТИМинин КМШ өлкөлөрү боюнча Үчүнчү департаментинин директору Александр Стерник билдиргенин РИА Новости жазды.
"Борбор Азия мамлекеттери катышкан форматтарга келсек, биз алардын ар кандай чөйрөлөрдө дипломатиялык ишмердүүлүктү өнүктүрүү боюнча эгемендүү укугун сыйлайбыз. КМШ, ЕАЭБ, ЖККУ, ШКУ, ошондой эле эки тараптуу макулдашуулардын алкагындагы биргелешип алган милдеттенмелерибиздин кайтарымы региондун өлкөлөрүнүн борборлору тарабынан өзүнүн туруктуулугу, саясаттан арылуусу, реалдуулугу үчүн жогору бааланып жаткандыгынан жана социалдык-экономикалык, саясий туруктуулукка таасирин тийгизип жаткандыгынан эч кандай шек санабайбыз”, — деген дипломат.
Ал Россия Батыш жана анын тилектештеринин Борбор Азияга көзү эмнеге түшүп турганын жакшы түшүнөрүн белгилеген.
“Жашырганда эмне, өнөктөштөрү да биздин саясий атаандаштардын жашыруун күн тартибин жакшы билишет. Алар экинчи даражадагы санкциялар үчүн опузаларын жашырбай, биздин өлкө менен мыйзамдуу соода-экономикалык, коргонуу жана аскердик-техникалык жаатта мамилелери үчүн эгемендүү мамлекеттерге ачык эле кылып жатышат”, — деп белгилеген Стерник.
Өткөн жумада Франциянын президенти Эммануэль Макрон Казакстан менен Өзбекстанга расмий сапар менен келип, бул өлкөлөрдүн президенттерине жолуккан. Макрондун аймакка сапарынын максаты — Франциянын энергетикалык коопсуздугун жакшыртуу экенин Bloomberg маалымат булактарына таянуу менен жазган. Тактап айтканда, Казакстанда Макрон Францияга мунай берүүнүн көлөмүн жана урандын экспортун көбөйтүүгө макул болушкан.
Буга чейин Германиянын канцлери Олаф Шольц Берлинде Борбор Азиянын беш өлкөсү – Казакстан, Кыргызстан, Тажикстан, Түркмөнстан жана Өзбекстандын лидерлерин кабыл алган. Жолугушуу анын демилгеси менен өткөрүлүп, Борбор Азия өлкөлөрү менен ЕБге мүчө мамлекеттердин ортосундагы мындай форматтагы биринчи иш-чара болгон.